短炒IPO實戰教學-阜博集團（3738）

筆者抽到3手阜博集團（3738）,它在$2.58定價,今早一開市好似坐火箭咁越升越有,我見炒到咁行即時在高位$3.95沽貨,執左四千幾蚊先講,宜家跌返落嚟報$3.2,IPO Charming之處在於可以在第一日上市就炒一轉,而且個波幅可以好勁,但其實所用的資金其實唔多但回報郤非常可觀,以這隻為例,抽到3手3000股3000 X 2.58都只是$7740成本,以3.95沽出升左53.1% 3000 X 3.95 = $11850 減去成本$7740 = $4110的回報,只是用七千幾就可以有四千幾的回報其實好值博,當然不是抽隻隻IPO都會升亦有跌的可能,但是就算真係跌我比佢跌盡都係七千幾蚊,但升郤可以50% 100% 200% 咁升法,值博率都好高,當然你都要識得幾時放,有的IPO要第一日放甚至乎是9:30第一時間放,有些可以等耐少少第二日或第三日有些直情可以長擺,隻隻唔同要睇情況要考慮大既有以下幾點:

1. IPO發行的股數(公開發售越少越易炒)
2. IPO抽到的人數(如果太多人抽做到人人有份咁就唔使諗會升得勁!返而如果只係少人抽(唔知係好野唔識得抽)或抽到的人少這樣就大機會炒上!)
3. IPO公司本身的實力(例如772閱文長短皆可以)
4. 機構投知者的實力
5. 保薦人的實力及往績等因素
6. 散戶第一日的反應(例如個個打算放或個個都想加碼都有影響)